Cydweithio: Adeiladu Cynulleidfaoedd Cymunedol ar gyfer Ffilmiau Annibynnol

Ydych chi'n gweithio gyda phartneriaid cymunedol lleol i gydweithio ar ddangosiadau ffilmiau? Ydych chi am greu profiadau ffilm ystyrlon ond yn cael trafferth gyda phresenoldeb isel, yn ei chael hi’n anodd dod o hyd i'r ffilmiau neu'r sefydliadau cywir i gydweithio â nhw?

Bydd y sesiwn yma’n archwilio rhai o'r heriau y mae llawer o sinemâu yn eu hwynebu wrth geisio meithrin cysylltiadau ystyrlon gyda chymunedau na fyddai fel arall yn mynychu, yn ogystal ag atebion posib. Caiff y sesiwn ei harwain gan y Cydlynydd Sinema Lleol Morvern Cunningham. Bydd themâu'n cynnwys:

• Gweithio gydag aelodau a grwpiau o'r gymuned i gyflwyno dangosiadau ffilm wedi'u cyd-guradu,
• Meddylfryd heriol – ‘yn hytrach na chi’n dod atom ni, fe ddown ni atoch chi',
• Ansawdd y profiad dros faint y gynulleidfa.

Pryd: 15fed Hydref 2025

Ble: Ar-lein

Archebwch eich lle yma

Mae’r digwyddiad yma ar gyfer aelodau Canolfan Ffilm Cymru yn unig, ac aelodau Canolfannau Ffilm ar draws y DU (nifer cyfyngedig o leoedd ar gael).
Os nad ydych yn aelod o Ganolfan Ffilm Cymru eto, gallwch ymuno am ddim yma.

Mae Local Cinema yn rhwydwaith o sinemâu cymunedol wedi'u lleoli yng Nghaeredin, wedi’u cefnogi gan Gyngor Dinas Caeredin. Maent yn cefnogi dangosiadau ffilm wedi'u curadu ar y cyd â chymunedau lleol ar draws ystod o fannau cymunedol yn y ddinas, gan gynnwys  WHALE Arts; North Edinburgh Arts, Duncan Place Community Hub, Out of the Blue Drill Hall, Space @ Broomhouse Hub, Craigmillar Now a The Crannie Community HuB. Yn 2025, bydd eu rhaglen deithiol Local Resistance yn dathlu straeon lleol o hunan-drefnu ac undod gyda chefnogaeth gan Ganolfan Ffilm yr Alban.

For more information on Local Cinema and the Local Resistance programme, you can read this interview with Local Cinema Coordinator Morvern Cunningham by Film Hub Scotland.